11:03 Зміцер Дашкевіч накіраваны ў сталічную турэмную бальніцу

Моладзевы актывіст Зміцер Дашкевіч накіраваны ў рэспубліканскую турэмную бальніцу ў Мінску. Выявілася, што ў яго хворы пазваночнік. Нагадаем, у лістападзе мінулага года Дашкевіч быў асуджаны на паўтары гады пазбаўлення волі за ўдзел у дзейнасці незарэгістраванай арганізацыі. Ён адбывае пакаранне ў калоніі ўзмоцненага рэжыму ў Шклове.

Месяц таму Дашкевіча перавялі на лесапільны ўчастак на цяжкую фізічную працу. Праваабарончая арганізацыя «Міжнародная амністыя» прызнала моладзевага актывіста вязнем сумлення.