114-гадовай беларусцы Ганне Кузьмік улады падаравалі пральную машыну

Свой 114-ы дзень народзінаў адзначыла ўчора беларуска Ганна Кузьмік, якая жыве ў расійскім горадзе Стаўрапаль. Яна нарадзілася ў Беларусі і ўсё сваё жыццё цяжка працавала - ткачыхай, даяркай, працаўніцай у дзіцячых садку. У Ганны Ігнатаўны двое дзяцей, унук і дзве праўнучкі.

Традыцыйна на дзень народзінаў даўгажыхарка атрымлівае віншаванне ад мясцовых уладаў. Сёлета яны зрабілі і падарунак - пральную машыну, паведамляе сайт kp.ru.