11:40 На Радаўніцу будзе вельмі цёпла, а потым зноў пахаладае

Сіноптыкі прагназуюць на бліжэйшыя выходныя пацяпленне, а з сярэдзіны тыдня зноў пахаладанне. Пра гэта паведамілі ў Рэспубліканскім гідраметэацэнтры. У панядзелак днём чакаецца 12-18 градусаў цяпла, на захадзе краіны — да +20, без ападкаў.

На Радаўніцу ўдзень будзе ад 15 да 21 градусу цяпла.

Па словах сіноптыкаў, уначы ў панядзелак і аўторак тэмпература паветра па краіне будзе вагацца ў залежнасці ад рэгіёнаў ад -1 да +7.

А вось з сярэдзіны будучага тыдня прагназуецца пахаладанне.

Паведамляе “Інтэрфакс”