13:02 У Гомельскім аблсудзе пачаўся суд над адным з"пажарнікаў"

Сёння ў Гомельскім абласным судзе пачаўся суд над удзельнікам бандыцкай групоўкі "пажарнікі".  У асяродку крымінальнага фармавання ён быў вядомы па мянушцы Бык. Паводле інфармацыі рэгіянальнага ўпраўлення камітэта па барацьбе з арганізаванай злачыннасцю і карупцыяй, Бык уваходзіў у найбліжэйшае атачэнне кіраўнікоў злачыннай групоўкі.

Ён кантраляваў працу прастытутак і адпраўку дзяўчат у замежныя публічныя дамы. Матэрыялы супраць злачынцы выдзеленыя ў асобную крымінальную справу.