14:49 Беларускія дзеці набіраюць лішнюю вагу

Гэты факт канстатуюць медыкі. Паводле словаў намесніка начальніка ўпраўлення арганізацыі медычнай дапамогі Міністэрства аховы здароўя Людмілы Жылевіч, прычыны лішняй вагі ў дзяцей і падлеткаў звязаныя з неправільным харчаваннем і недастатковымі фізічнымі нагрузкамі.

У далейшым яны могуць прывесці да хранічных захворванняў. Дарэчы, праблема лішняй вагі датычыць не толькі дзяцей, але і дарослых. Паводле статыстыкі Міністэрства аховы здароўя, яе маюць 25% жыхароў Беларусі.