15 траўня ў Мінску вызначаць лепшую шматдзетную сям'ю

Конкурс на званне лепшай шматдзетнай сям'і пройдзе 15 траўня ў Мінскім дзяржаўным Палацы дзяцей і моладзі. Удзельнічаць у ім будуць пяць сем'яў з Цэнтральнага, Фрунзенскага, Маскоўскага, Ленінскага і Першамайскага раёнаў. Бацькі з дзецьмі паспаборнічаюць у кулінарным, музычным, творчым конкурсах.

У рамках фэсту ў Палацы дзяцей і моладзі адкрыецца мастацкая выстава прац шматдзетных сем'яў. Тутсама павіншуюць і срэбраных юбіляраў - жонк і мужоў, якія пражылі разам 25 гадоў, паведамляе агенцтва "Минск-новости".