16:10 У Маларыцкім раёне затрымалі фальшываманетчыкаў

35 фальшывых стодоларавых купюр знайшлі міліцыянты ў двух жыхароў Кобрына. Яны выраблялі іх спосабам плоскага афсетнага друку.

Годам выпуска падробак палешукі пазначалі 1993-ці. Аператыўнікі зрабілі ў іх на аўтазапраўцы ў Кобрынскім раёне кантрольную закупку. Экспертыза пацвердзіла, што долары фальшывыя.

Пасля гэтага 32-гадовага і 27-гадовага кобрынцаў затрымалі на аўтазапраўцы каля вёскі Ужова Маларыцкага раёна. Міліцыя шукае іх друкарскі станок.