20-гадовы мінчанін асуджаны на 18 гадоў за жорсткае забойства

Набыў моц прыгавор судовай калегіі па крымінальных справах Мінскага гарадскога суда ў дачыненні да 20-гадовага мясцовага жыхара. Устаноўлена, што ў дзень учынення злачынства ён распіваў спіртныя напоі з прыяцелем. Жадаючы знайсці грошы на набыццё алкаголю, малады чалавек зайшоў у пад’езд жылога дома, дзе званіў у кватэры і патрабаваў грошай. Атрымаўшы катэгарычную адмову ад аднаго з жыхароў, ён нанёс яму не менш чым 10 удараў нажом, пасля чаго знік з месца злачынства.

Судовай калегіяй па крымінальных справах Мінскага гарадскога суда абвінавачаны прызнаны вінаватым ва ўчыненні забойства і яму прызначана пакаранне ў выглядзе пазбаўлення волі тэрмінам на 18 гадоў, паведамляе газета "Наша Ніва".