8 чэрвеня вернікі хочуь правесці ў Мінску пікет у абарону свабоды сумлення

У Мінскі гарвыканкам пададзеная заяўка на правядзенне 8 чэрвеня ў парку Дружбы народаў побач з плошчай Бангалор пікета ў абарону права на свабоду сумлення. Заяўку падаў сустаршыня аргкамітэта па стварэнні партыі "Беларуская хрысціянская дэмакратыя" Аляксей Шэін.

"Правы вернікаў у Беларусі парушаюцца, – лічыць спадар Шэін. – Замежныя святары высылаюцца з краіны, мясцовыя караюцца штрафамі за так званыя несанкцыянаваныя набажэнствы".

Запланаваная працягласць пікету – дзве гадзіны. Колькасць удзельнікаў – да 100 чалавек.