Абаронцы Севастопальскага парку звернуцца ў прадстаўніцтва Еўракамісіі
Жыхары сталічнага мікрараёна Ўсход-2 сабралі каля 3 тысяч подпісаў супраць будаўніцтва аб'ектаў і зносу артэзіянскіх свідравін у Севастопальскім парку Мінску. Як нагадвае БелаПАН, ужо не першы год ідзе барацьба жыхароў сталічнага мікрараёна Ўсход-2 супраць планаў гарадскіх уладаў па рэканструкцыі Севастопальскага парка. Тут збіраюцца пабудаваць рэстаран, кафэ, саўну, фітнес-цэнтр, паркоўку. Для гэтага давядзецца высечы больш за тысячу дрэваў і закрыць артэзіянскія свідравіны, вадой з якіх забяспечваецца мікрараён.
Парк, паводле генеральнага плану развіцця Мінску, адносіцца да ландшафтна-рэкрэацыйнай зоны і вадаахоўнай зоны Сляпянскай воднай сістэмы, дзе размешчаныя восем свідравін водазабору "Зялёнаўка".
Жыхарка мікрараёна Валянціна Шалейнікава паведаміла журналістам, што ў яе ёсць копія ліста ад 3 лістапада 2009 года за подпісам галоўнага санітарнага лекара Беларусі Валянціны Качан, што праца сямі свідравін з васьмі прыпыненая. Пры гэтым, па словах Шалейнікавай, да гэтага кіраўніцтва прадпрыемства "Мінскводаканал" пісьмова запэўніла жыхароў, што свідравіны знаходзяцца ў тэхнічна спраўным стане і якасць пітной вады за апошнія пяць гадоў не змянілася.
Жыхары раёна плануюць звярнуцца да кіраўніка прадстаўніцтва Еўракамісіі ў Мінску Жана-Эрыка Хольцапфеля, бо лічаць, што беларускія ўлады парушаюць дамоўленасці аб супрацоўніцтве з ЕС у галіне аховы навакольнага асяроддзя.
Нагадаем, што па патрабаванні жыхароў улады адмовіліся ад плану будаваць праз парк шасціпалосную дарогу. Рашэнне гэтага пытання адкладзена да 2020 года.
Парк, паводле генеральнага плану развіцця Мінску, адносіцца да ландшафтна-рэкрэацыйнай зоны і вадаахоўнай зоны Сляпянскай воднай сістэмы, дзе размешчаныя восем свідравін водазабору "Зялёнаўка".
Жыхарка мікрараёна Валянціна Шалейнікава паведаміла журналістам, што ў яе ёсць копія ліста ад 3 лістапада 2009 года за подпісам галоўнага санітарнага лекара Беларусі Валянціны Качан, што праца сямі свідравін з васьмі прыпыненая. Пры гэтым, па словах Шалейнікавай, да гэтага кіраўніцтва прадпрыемства "Мінскводаканал" пісьмова запэўніла жыхароў, што свідравіны знаходзяцца ў тэхнічна спраўным стане і якасць пітной вады за апошнія пяць гадоў не змянілася.
Жыхары раёна плануюць звярнуцца да кіраўніка прадстаўніцтва Еўракамісіі ў Мінску Жана-Эрыка Хольцапфеля, бо лічаць, што беларускія ўлады парушаюць дамоўленасці аб супрацоўніцтве з ЕС у галіне аховы навакольнага асяроддзя.
Нагадаем, што па патрабаванні жыхароў улады адмовіліся ад плану будаваць праз парк шасціпалосную дарогу. Рашэнне гэтага пытання адкладзена да 2020 года.
