Абнаўленне антывіруса ледзь не забіла чалавека падчас аперацыі на сэрцы

Абнаўленне антывіруса ледзь не забіла чалавека падчас хірургічнай аперацыі на сэрцы — важнае праграмнае забеспячэнне спыніла працу. Здарэнне адбылося ў ЗША яшчэ ў лютым, але пра яго стала вядома толькі цяпер, піша 42.tut.by.

Адзначаецца, што з-за абнаўлення антывіруса праблема ўзнікла з комплексам Merge Hemo, які выракарыстоўваецца для кантроля працэдуры катэтэрызацыі сэрца. Раптоўна экран камп'ютара стаў чорным. На працягу пяці хвілін медыкі спрабавалі яго запусціць, каб працягнуць аперацыю. Пацыент у гэты час быў пад наркозам.

Было праведзена расследаванне здарэння і высветлілася, што прычынай збою стала праграма-антывірус. Чалавек, які ўсталяваў яе на камп'ютары, запланаваў поўнае сканаванне штогадзіну, што і адбылося падчас аперацыі. У выніку медыкі здолелі перагрузіць камп'ютар і паспяхова завяршыць аперацыю. На стан яго здароўя здарэнне не паўплывала.