Адкрыццё офісу Еўракамісіі ў Мінску запланаванае на 7 сакавіка

На 7 сакавіка запланаванае адкрыццё офісу Еўракамісіі (выканаўчай ўлады Еўрасаюза) ў Мінску. Пра гэта паведамляе "Радыё Свабода" са спасылкай на высокапастаўленага чыноўніка ЕС. Мяркуецца, што падпісанне адпаведнага дакумента адбудзецца ў Бруселі.

Нагадаем, дагэтуль беларускімі справамі займаецца офіс Еўракамісіі, які знаходзіцца ў Кіеве і ахоплівае сваёй дзейнасцю Украіну і Беларусь.

ЕС прапанаваў уладам Беларусі стварыць у Мінску самастойны офіс Еўракамісіі яшчэ ў пачатку 2006 года. Але сваю згоду на гэта Аляксандр Лукашэнка не даваў амаль два гады.