Адзін з дамоў Гомеля будзе абараняць добраахвотная дружына

У Гомелі створаная першая хатняя добраахвотная дружына для падтрымання парадку ў шматкватэрным доме і вакол яго.  Ініцыятарамі выступілі самі жыхары 18-павярховага дома па праспекце Кастрычніка. Міліцыя іх падтрымала.

Справа ў тым, што побач з гэтым домам месціцца рынак і некалькі ўстановаў забаўляльнага характару. У выніку пад’езды і навакольная тэрыторыя пастаянна забруджваецца чужымі людзьмі.

У склад добраахвотнай дружыны ўвайшлі 14 чалавек, у тым ліку былы міліцыянт, памежнік, а таксама дзве жанчыны.

БелаПАН