Airbnb забараніў расіянам і беларусам браніраваць жыллё па ўсім свеце
Кампанія Airbnb прыпыняе сваю дзейнасць у Расіі ды Беларусі.
"Гэта азначае, што браніраванне жылля і ўражанняў у Расіі ды Беларусі спынена, а госці з гэтых краін больш не змогуць аформіць браніраванне дзе б там ні было", — гаворыцца ў паведамленні сэрвісу.
Акрамя таго кампанія скасавала браніраванні ў Беларусі і Расіі, якія пачынаюцца 4 красавіка 2022 года і пазней.
Як адзначае УНІАН, раней у Airbnb абвясцілі пра бясплатны прытулак для 100 тысяч бежанцаў з Украіны ў Еўропе.
