Апазіцыя праходзіць падрыхтоўку ў лагерах УНА-УНСО — БТ

У ваенізаваных лагерах УНА-УНСО ва Украіне рыхтуюцца групоўкі радыкальных беларускіх апазіцыянераў. Пра гэта паведаміў Першы нацыянальны тэлеканал Беларусі. Аўтары праграмы "Панарама тыдня" сцвярджаюць, што адзін з такіх лагераў знаходзіцца ў лясным масіве ў Цярнопальскай вобласці Украіны і на пачатку траўня там ішлі інтэнсіўныя заняткі.

Удзельнікі лагера адпрацоўвалі метады захопу закладнікаў, напады на населеныя пункты, прыёмы выведкі і маскіроўкі, распавялі аўтары сюжэту.

У праграме таксама гаварылася, што баевікі УНА-УНСО, якія арганізавалі лагер, праходзілі баявую падрыхтоўку ў гарачых кропках на тэрыторыі былога Савецкага Саюза.

Карэспандэнт.net