Арабскі прынц-стралок застаўся ў Мінску яшчэ на 10 дзён

Арабскі прынц Саід аль Мактум застаўся ў Мінску да канца жніўня. Ён удзельнічаў у Адкрытым кубку Беларусі па стэндавай стральбе і заняў другое месца ў дысцыпліне “Скіт”.  Прынц меркаваў паехаць на спаборніцтвы па стральбе ў Маскву, але перадумаў. Спачатку ён працягнуў адпачынак у Беларусі на тыдзень, а пасля яшчэ на 10 дзён.

Паводле словаў менеджэра па маркетынгу сталічнага гатэля “Мінск” Паўла Навакоўскага, арабскаму шэйху вельмі спадабалася, як яго прымалі ў нашай краіне.

Саід аль Мактум і яго світа ўжо з’елі 8 бараноў, усіх, якія можна было набыць у Мінску, паведамляе газета “Комсомольская правда в Беларуси”.