Астаф'еў: На судзе сказалі, што я крычаў "Живее, Беларусь!"

Фотакарэспандэнт пецярбуржскай газеты "Мой район" Аляксандр Астаф'еў мяркуе, што бязвінна правёў тры дні ў беларускай турме. Пра гэта вызвалены ўчора са зняволення журналіст паведаміў у інтэрв'ю свайму выданню.

Астаф'еў распавёў, што на судзе яго абвінавацілі ў супраціве міліцыі, а таксама ў выкрыкванні лозунгаў "Уходи!" і "Живее, Беларусь" [так падае лозунг расійскае выданне]. Знайшліся і сведку ўсяму гэтаму.

Журналіст лічыць гэтыя абвінавачванні беспадстаўнымі. "Я ехаў фатаграфаваць", — сцвярджае ён.

У інтэрв'ю журналіст расказаў, што яго затрымаў на плошчы Незалежнасці мясцовы спецназ. Журналісцкае пасведчанне пры затрыманні не падзейнічала: Астаф'еву сказалі, што неабходная спецыяльная акрэдытацыя.