Беларусы на Паўночным Каўказе мяняюць сеялкі на кукурузу

Дэлегацыя беларускіх прамыслоўцаў правяла перамовы з бізнэс-элітай Кабардзіна-Балкарыі пра пастаўкі на Паўночны Каўказ сельгастэхнікі і экспарт насення кукурузы.  Як адзначае ў інтэрв'ю "Российской газете-Северный Кавказ" намеснік міністра сельскай гаспадаркі і харчавання Кабардзіна-Балкарыі Барыс Чачэнаў, беларуская сельгастэхніка "па цэнах нашмат ніжэйшая за імпартную і пры гэтым адпавядае сусветным стандартам".

Акрамя набыцця 3 тон насення кукурузы, беларускія прамыслоўцы дамаўляліся ў Нальчыку пра пастаўку ў будучыні ў Беларусь "семяннога матэрыялу бульбы".