Беларусь адмяніла забарону на імпарт мяса з Польшчы

Забарону на імпарт ялавічыны і свініны з Польшчы адмянілі беларускія ўлады.

Пра гэта паведамляе "Інтэрфакс" са спасылкай на амбасаду Беларусі ў Варшаве. Адзначаецца, што імпарт будзе праводзіцца ў адпаведнасці з умовамі кантрактаў, падпісаных паміж польскімі і беларускімі прадпрыемствамі.

Нагадаем, Беларусь увяла эмбарга на імпарт польскага мяса ў сакавіку 2007 года.