Беларусь экстрадавала ва Украіну падазраванага ў перапраўцы нелегалаў
З нашай краіны экстрадаваны ўкраінец, які амаль два гады хаваўся ад следства за незаконную перапраўку людзей у замежжа.
Як паведамляюць украінскія СМІ, 27-гадовы мужчына падазраецца ў незаконнай перапраўцы грамадзян Афганістана праз украінска-славацкую мяжу. Двое яго саўдзельнікаў былі раней затрыманыя ва Украіне і асуджаныя на розныя тэрміны. Напрыканцы 2012 года зламысніка затрымалі праваахоўныя органы Беларусі пры спробе перасекчы беларуска-ўкраінскую дзяржаўную мяжу.
Мужчына знаходзіцца пад вартай, следства па справе працягваецца.
Фота — bymedia.net
