Беларус, кіраўнік міжнароднай злачыннай групы, краў грошы праз Інтэрнэт

Затрыманыя ўдзельнікі міжнароднай злачыннай групы, якой кіраваў грамадзянін Беларусі. Яны займаліся крадзяжом грошай з рахункаў кліентаў банкаўскіх і электронных сістэмаў Беларусі і Расіі.

Дзеля гэтага былі створаныя некалькі заражаных вірусамі сайтаў. Пры наведванні такіх старонак на камп’ютары карыстальнікаў запісваўся пэўны праграмны код. У выніку яны траплялі пад цэнтралізаванае кіраванне сервера, які належыў хакерам.

Здабытая канфідэнцыйная інфармацыя давала магчымасць злачынцам красці ў грамадзян Беларусі і Расіі грошы праз віртуальныя “абменнікі” альбо праз падробленыя пластыкавыя карткі.
ОНТ