Беларус Рыбакоў прызнаны найлепшым цяжкаатлетам свету 2007 года

Найлепшым цяжкаатлетам свету прызнаны беларус Андрэй Рыбакоў.  Гэта стала вядома пасля апублікавання вынікаў апытання спецыялістаў, праведзенага Міжнароднай федэрацыяй цяжкай атлетыкі сумесна з часопісам World Weightlifting ("Сусветная цяжкая атлетыка"). Прычым наш суайчыннік перамог у галасаванні са значнай перавагай: у Рыбакова 905 ачкоў, а ў бліжэйшага канкурэнта, кітайца Чжана Гуочжэна - 428 балаў.

Цікава, што на трэцім месцы яшчэ адзін беларускі спартовец - Андрэй Арамнаў з 412 ачкамі.

Рыбакоў стаў найлепшым цяжкаатлетам невыпадкова. Летась у вагавай катэгорыі да 85 кілаграмаў ён другі раз запар стаў чэмпіёнам свету. Акрамя таго, ён абнавіў адзін са сваіх сусветных рэкордаў.

БЕЛТА