Беларус стаў пераможцам Кубку свету па фехтаванні

Беларус Зміцер Лапкес стаў пераможцам этапа Кубку свету па фехтаванні ў тайландскай сталіцы Бангкоку. У фінале ён выйграў у вугорца Золта Немчыка.  Адзначым, што перад спаборніцтвамі ў сусветнай кваліфікацыі беларус быў шостым, а спартовец з Вугоршчыны — першым.

Перамога на прэстыжным турніры, які з’яўляецца адным з этапаў адбору на Алімпіяду-2008, дазволіла Змітру Лапкесу сур’ёзна папоўніць свой рахунак ліцэнзійнымі алімпійскімі ачкамі, інфармуе БЕЛТА.