Беларусь выйшла на 13 месца ў свеце па колькасці карыстальнікаў ЖЖ

На 13 месца ў свеце па колькасці карыстальнікаў Жывога Журналу выйшла Беларусь. Паводле апошніх статыстычных дадзеных, у нашай краіне іх налічваецца 25004 чалавекі. Летась Беларусь займала 14-е месца.
У гэтым паказніку лідыруюць ЗША, у якіх карыстальнікаў ЖЖ больш за 3 мільёны. Далей ідуць Расія - амаль 600 тысяч, Канада - 298 тысяч. На 7-м месцы Украіна - 80 тысяч. Адразу за беларусамі ў спісе знаходзяцца Бразілія і Ізраіль - у іх налічваецца каля 21 тысячы карыстальнікаў ЖЖ.

Дарэчы, агулам у свеце налічваецца амаль 16 мільёнаў блогераў. З іх - 1 мільён 769 тысяч з'яўляюцца актыўнымі карыстальнікамі Жывога Журналу. Жанчын сярод іх удвая больш, чым мужчын.