Марш супраць Каморы і смецця прайшоў у Неапалі
Дзясяткі тысяч жыхароў італьянскага горада прынялі ўдзел у акцыі пратэсту супраць нелегальнага выкіду таксічных адходаў.
Яны абвінавачваюць у гэтым мясцовую мафію — Камору. Удзельнікі дэманстрацыі неслі фотаздымкі сваякоў, у тым ліку дзяцей, якія, па іх словах, памерлі ад раку ў выніку забруджвання. Каля 20 гадоў таму медыкі заўважылі скачок выпадкаў захворванняў на рак у прыгарадах Неапаля. З тых часоў колькасць анкалагічных дыягназаў у жанчын у гэтым раёне ўзрасла на 40%, а ў мужчын — на 47%.
Лічыцца, што за апошнія 20 год тут было выкінула і спалена каля 10 мільёнаў тон прамысловых адходаў, перадае ВВС.
Фота: AFP
