Беларускага форварда "Манрэаля" Сяргея Касціцына адправілі ў фарм-клуб

Беларускі форвард "Манрэаля" Сяргей Касціцын адпраўлены ў фарм-клуб "Гамільтан", які выступае ў Амерыканскай хакейнай лізе, паведамляе БЕЛТА.
Замест беларуса з "Гамільтана" выкліканы 22-гадовы нападаючы Грэгары Сцюарт. 21-гадовы Сяргей Касціцын згуляў за “Манрэаль” 52 матчы цяперашняга чэмпіянату НХЛ і набраў 23 (8+15) ачкі пры паказчыку карыснасці "-1". Сам канадскі клуб, які сёлета адзначае 100-гадовы юбілей, пацярпеў 10 паражэнняў у 13 апошніх матчах.