Беларускія гандбалісты стартуюць на турніры Yellow Cup у Швейцарыі
Нацыянальная мужчынская зборная сёння стартуе на міжнародным турніры ў Вінтэртуры.
Сёння позна ўвечары Беларусь сустрэнецца з камандай Туніса, 3 студзеня згуляе са зборнай Швейцарыі, а 4 студзеня завяршыць турнір матчам супраць Славакіі.
На папярэдніх двух турнірах у Вінтэртуры беларусы атрымлівалі перамогі, нагадвае БЕЛТА.
Пасля вяртання са Швейцарыі беларусы правядуць заключны этап падрыхтоўкі да чэмпіянату свету, які стартуе 15 студзеня ў Катары.
