Беларускія навукоўцы спадзяюцца добра зарабіць на продажы лазера

На продажы лазера спадзяюцца сёлета добра зарабіць беларускія навукоўцы. Беларускімі лазернымі распрацоўкамі пасля Японіі, Кітая і Арабскіх Эміратаў зацікавіліся В’етнам, Індыя і Сербія.  Італію, Францыю і Нямеччыну цікавіць устаноўка, якая даследуе высока-тэхналагічны матэрыял і дэталі, і дае гарантыі бяспекі і надзейнасці працы прамысловага абсталявання. Таксама з дапамогай беларускага лазера эфектыўна змагаюцца з дзіцячымі захворваннямі, праводзяць складаныя аперацыі. 

Сёлета беларускія лазершчыкі атрымалі прэстыжную замову па распрацоўцы адзінага базавага лазера для Еўропы. Гэты апарат будзе праводзіць маніторынг навакольнага асяроддзя, паведамляе тэлеканал ОНТ.