Беларускія памежнікі патрапілі ў топ кур'ёзаў Украіны 2010 года

Інфармацыйнае агенцтва "Українські Новини" прадставіла 10 найболш кур'ёзных, па меркаванні рэдакцыі, навін 2010 года, што выйшлі на стужцы агенцтва.

У 10 трапіла навіна пра супрацоўнікаў Дзяржаўнага камітэта памежных войскаў Беларусі, якія 12 жніўня затрымалі 60-летняга ўкраінца. Мужчына старанна рыў падкоп у Польшчу.

Затрымаўшы тунэлепраходчыка, беларусы пазналі ў ім свайго "старога знаёмага", які на працягу 4 год кожныя паўгады паўтараў свае спробы патрапіць у Польшчу.