Беларускія весляры прывязуць з Іспаніі дзевяць медалёў

Дзевяць медалёў заваявалі беларусы на чэмпіянаце Еўропы па веславанні на байдарках і каноэ, які праходзіў у Іспаніі.  На дыстанцыі 200 метраў «золата» выйграў экіпаж байдаркі-двойкі. Раман Петрушэнка і Вадзім Махнеў усяго на 5 тысячных долі секунды апярэдзілі сапернікаў з Нямеччыны.

Яшчэ два «срэбра» на дыстанцыі 200 метраў учора заваявалі беларускія экіпажы каноэ-чацвёркі і байдаркі-чацвёркі.

БЕЛТА