Беларусы і расіяне абмяркуюць праблему ўзаемных паставак сельгастэхнікі

Праблему ўзаемных паставак сельгастэхнікі абмяркуюць у сераду ў Мінску прадстаўнікі вытворцаў Беларусі і Расіі, паведамляе БелаПАН.
Нагадаем, у канцы чэрвеня першы віцэ-прэм'ер Беларусі Ўладзімір Сямашка адзначыў наяўнасць перашкодаў на рэалізацыю беларускай тэхнікі ў Расіі. А 6 ліпеня гендырэктар "Ростсельмаша" Валерый Мальцаў заявіў пра "схаваны" імпарт у Расію беларускай сельгастэхнікі. Расійскі прэм'ер-міністр Уладзімір Пуцін паабяцаў гэтыя факты праверыць.

Першы намеснік гендырэктара "Гомсельмаша" Іван Пратура ў інтэрв'ю Еўрарадыё заявіў, што прадпрыемства працуе "ў межах расійскага заканадаўства".