Сёння ў байнэце пройдзе "гадзіна маўчання" па новым законе аб СМІ

"Гадзіна маўчання" па новым законе пра сродкі масавай інфармацыі, прынятым учора ў другім чытанні Палатай прадстаўнікоў, пройдзе сёння ў байнэце. Да гэтага заклікала Беларуская асацыяцыя журналістаў.  БАЖ прапануе ўсім, хто "неабыякавы да праблемы доступу да інфармацыі і яе распаўсюду", размясціць на сваіх інтэрнэт-рэсурсах чорныя банеры - "як сімвал пахаванай свабоды слова", а таксама не абнаўляць сайты, не рабіць запісаў у блогах з 12.00 да 13.00.

"Такім чынам мы выказваем пратэст супраць экстрэннага прыняцця закона аб СМІ без правядзення грамадскіх слуханняў і міжнароднай экспертызы, ... даем усвядоміць карыстальнікам байнэта, што пагроза закрыцця шматлікіх навінных рэсурсаў, крыніцаў незалежнай інфармацыі ў сеціве цяпер як ніколі рэальная", - гаворыцца ў звароце БАЖ.

Белорусские новости