Беларусы змогуць знаходзіцца ва Ўкраіне без рэгістрацыі толькі месяц

Беларусы і ўкраінцы змогуць гасціць адны ў другіх без рэгістрацыі 30 дзён. Адпаведнае двухбаковае пагадненне падпісаў Кабінет міністраў Украіны.
У Беларусі дакумент таксама прайшоў неабходныя працэдуры. Пагадненне набудзе моц у бліжэйшыя дні пасля абмену бакамі адпаведнымі нотамі, паведамляе сайт “Украінскія навіны”.

Нагадаем, раней беларусы маглі знаходзіцца на тэрыторыі Ўкраіны да 90 дзён, а ўкраінцы ў нас — толькі 3 дні.