Бернд Штанге выклікаў на зборы Булыгу, Стасевіча і Мазалеўскага

За тры дні да таварыскай гульні з ізраільцянамі ў складзе зборнай Беларусі па футболе адбыліся змены.  У трэніровачны лагер галоўны трэнер нашай каманды Бернд Штанге выклікаў паўабаронцу барысаўскага БАТЭ Ігара Стасевіча і нападаючых – Віталя Булыгу з расійскай “Томі” і Дзмітрыя Мазалеўскага з брэсцкага “Дынама”.

Нагадаем, таварыская гульня са зборнай Ізраіля пройдзе ў Мінску 22 жніўня. З-за траўмаў у ёй не змогуць прыняць удзел галкіпер Юрый Жаўноў (“Масква”, Расія) і абаронца Аляксандр Юрэвіч (“Карпаты”, Украіна).

А ў нападаючага Віталя Кутузава (“Піза”, Італія) днямі мусіць нарадзіцца сын, таму ён не прыедзе па сямейных абставінах.

БЕЛТА