Брэсцкі абласны суд не задаволіў скаргу назіральніка на выбарах

Нагадаем, што актывіст быў назіральнікам ад Руху “За свабоду” на прэзідэнцкіх выбарах. У звароце ў суд ён прасіў пакараць за бяздзейнасць чыноўнікаў гарвыканкама.

Турчаняк: “Я спрабаваў прыцягнуць да адміністрацыйнай адказнасці старшыню выбарчай камісіі ўчастка №98 за парушэнне парадку падліку галасоў. Адмова гарвыканкама зрабіць гэта, адмова суда разгледзець маю скаргу на бяздзейнасць гарвыканкама — гэта ўсё засталося ў сіле. На сёння няма механізма, які здатны прымусіць парушальнікаў выбарчага заканадаўства панесці адказнасць”.

Бюлетэні з усіх скрыняў палічылі разам, нягледзячы на патрабаванні назіральніка. Цэнтравыбаркам прызнаў факт парушэння выбарчага заканадаўства. Адміністрацыйнае пакаранне на парушальнікаў можа накласці толькі гарвыканкам, але чыноўнікі праігнаравалі звароты Турчаняка. А суды, кажа актывіст, адмаўляюцца разглядаць яго справу па сутнасці, бо, маўляў, ён не з’яўляецца пацярпелым бокам.

Фота: pro-test.org.ua