Бухгалтарка паўтары гады налічвала сабе грошы з рахунку прадпрыемства
Здарэнне адбылося ў Брэсце.
Як паведамляе прэс-служба абласной міліцыі, жанчына "злоўжывала службовымі паўнамоцтвамі" з лістапада 2011 года да ліпеня 2013-га. З разліковага рахунку прадпрыемства галоўная бухгалтарка рабіла электронныя пераводы на ўласны рахунак. За гэты час яна паспела пералічыць больш за 55 мільёнаў рублёў (больш за 6 тысяч долараў).
Супрацоўнікі аддзелу па барацьбе з эканамічнымі злачынствамі пачалі крымінальную справу. 43-гадовай жанчыне пагражае да 7 гадоў пазбаўлення волі з канфіскацыяй маёмасці.
Фота — minsknews.by
