Былы галоўны трэнер ФК «Віцебск» спрабуе аднавіцца на працы праз суд

Былы галоўны трэнер футбольнага клуба «Віцебск» Андрэй Чарнышоў спрабуе аднавіцца на працы праз суд.  Ён лічыць, што загад аб яго звальненні не адпавядае заканадаўству і што прэтэнзіі кіраўніцтва «Віцебска» да яго надуманыя. Вядомы расійскі футбольны спецыяліст патрабуе аднаўлення на працы і выплаты заробкаў за час вымушанага прастою.

Пазовы ў суд Кастрычніцкага раёна Віцебска таксама падалі звольненыя члены яго трэнерскага штабу — Андрэй Дзмітрыеў і Максім Альховік. Акрамя таго Чарнышоў і яго паплечнікі маюць намер шукаць падтрымкі нават у УЕФА.

Дырэктар ФК «Віцебск» Аляксандр Церах лічыць, што звальненне было зроблена паводле кантракта, у адпаведнасці з законам, таму клуб не мае намеру ісці на кампрамісы з трэнерам.

Прессбол