Чатырох кобрынскіх актывістаў дапыталі ў КДБ па справе Плошчы
Былі дапытаны чальцы Партыі БНФ Аляксандр Страчук, Уладзімір Астроўскі і Аляксей Уймін, а таксама актывіст дэмсіл Станіслаў Кучынскі.
Ў Кобрыне чатырох актывістаў дэмсіл 10 лютага дапыталі ў КДБ па крымінальнай справе пра масавыя беспарадкі ў Мінску 19 снежня. Напярэдадні ўсім ім уручылі позвы, паведамляе БелаПАН.
"Нас дапыталі ў якасці сведак па гэтай крымінальнай справе і ўзялі падпіскі пра неразгалошванне, — паведаміў Страчук. — Мы здзіўлены выклікам у КДБ па дадзенай нагодзе. Ніхто з нас не быў 19 снежня ў Мінску".
Па словах Страчука, Астроўскі і Уймін з'яўляліся чальцамі ўчастковых выбарчых камісій. І 19 снежня знаходзіліся ў Кобрыне на сваіх участках, у тым ліку падчас падліку галасоў.
