Чыгуначнікі абяцаюць навесці парадак у электрычках

Беларуская чыгунка распрацавала план мерапрыемстваў па паляпшэнні якасці абслугоўвання пасажыраў у прыгарадных цягніках. Акцыя атрымала назву "Зробім цягнік чыстым".

Мерапрыемствы закліканыя палепшыць санітарны стан прыгарадных цягнікоў. У межах акцыі плануецца ўсталяваць у вагонах кантэйнеры для смецця, часцей прыбіраць салоны і туалетныя памяшканні, узмацніць кантроль за тэмпературным рэжымам.

Акрамя таго, у перыяд з 2007 па 2010 гады пры здзяйсненні капітальнага і некаторых бягучых відаў рамонту плануецца мадэрнізаваць бакі, якія забяспечваюць аўтаматычнае падцяпленне і рэцыркуляцыю вады і правесці рэвізію тэрмаізаляцыі салонаў з наступным іх уцяпленнем.