Cёння беларускі парламент пачынае вясновую сесію

Сёння ў Мінску адкрываецца вясновая сесія абедзвюх палат Нацыянальнага сходу Беларусі. На першым пасяджэнні Палаты прадстаўнікоў плануецца разгледзець 17 пытанняў. Сярод іх — законапраекты, што тычацца адукацыі, дзяржаўнай статыстыкі, аховы навакольнага асяроддзя, а таксама пытанняў сацыяльнай абароны пацярпелых ад катастрофы на ЧАЭС.

Акрамя таго на пасяджэнні разгледзяць у першым чытанні праект закона аб парадку выезду і ўезду беларусаў і шэраг іншых заканадаўчых актаў.

У гэты жа дзень адкрыецца вясновая сесія Савета рэспублікі, на першым пасяджэнні якога будзе разгледжана 8 пытанняў.

"Інтэрфакс"