ДАІ прапануе ўтрая павялічыць штраф за няправільную паркоўку
Зараз штраф складае 100 тысяч рублёў (1 базавая велічыня), а будзе — 300 тысяч.
За паўторнае парушэнне на працягу года штраф складзе 500-800 тысяч рублёў (цяпер 300-500 тысяч).
Дзяржаўтаінспекцыя хоча зрабіць больш жорсткім пакаранне за парушэнне правілаў прыпынку і стаянкі транспартнага сродку. Пра гэта распавядае auto.onliner.by са спасылкай на заяву в.а. начальніка ДАІ Міністэрства ўнутраных спраў Васіля Бульбянкова падчас прамой тэлефоннай лініі.
З гэтай прапановай ДАІ збіраецца выйсці да законатворцаў. Аўтаінспектары спасылаюцца на тое, што маюць не адзін дзясятак лістоў ад грамадзян, якія скардзяцца на няправільную паркоўку — на тратуарах, у зялёнай зоне і нават на дзіцячых пляцоўках.
Фота — forsage.by
