Дырэктар "Дынама": Да матчаў ЛЧ усталюем новыя вароты і зробім VIP-рэстаран
Мінскі стадыён "Дынама" рыхтуецца да матчаў групавога турніру Лігі чэмпіёнаў, якія там будзе праводзіць восенню барысаўскі БАТЭ. Нагадаем, БАТЭ ўжо 30 верасня прымае на "Дынама" турынскі "Ювентус", 5 лістапада пройдзе гульня з піцерскім "Зенітам", а 25 лістапада - з мадрыдскім "Рэалам". Паводле словаў дырэктара стадыёна Уладзіміра Вільчынскага, праблемаў з правядзеннем матчаў позняй восенню не будзе:
"У нас ёсць падагрэў поля. Наш стадыён прыдатны для матчаў позняй восенню і ранняй вясной. Мы праводзілі гульні і ў сакавіку".
Што да правядзення неабходных працаў, дык тыдзень таму на "Дынама" прыязджаў прадстаўнік УЕФА, які іх і акрэсліў. Напрыклад, давядзецца ўстанавіць дадатковую платформу для тэлевізійных камер і новыя вароты. Вось што кажа Уладзімір Вільчынскі:
"Ёсць пытанні, на якія ўказаў дэлегат УЕФА. Ён сказаў: тут паправіць, тут паставіць трэба платформу, тут зрабіць VIP-рэстаран, тут прыбраць рэкламу. Усё гэта вырашаецца ў рабочым парадку".
Нагадаем, старшыня праўлення ФК БАТЭ Анатоль Капскі заявіў, што самыя дарагія квіткі на матчы Лігі чэмпіёнаў будуць каштаваць не больш за 30 тысяч рублёў.
"У нас ёсць падагрэў поля. Наш стадыён прыдатны для матчаў позняй восенню і ранняй вясной. Мы праводзілі гульні і ў сакавіку".
Што да правядзення неабходных працаў, дык тыдзень таму на "Дынама" прыязджаў прадстаўнік УЕФА, які іх і акрэсліў. Напрыклад, давядзецца ўстанавіць дадатковую платформу для тэлевізійных камер і новыя вароты. Вось што кажа Уладзімір Вільчынскі:
"Ёсць пытанні, на якія ўказаў дэлегат УЕФА. Ён сказаў: тут паправіць, тут паставіць трэба платформу, тут зрабіць VIP-рэстаран, тут прыбраць рэкламу. Усё гэта вырашаецца ў рабочым парадку".
Нагадаем, старшыня праўлення ФК БАТЭ Анатоль Капскі заявіў, што самыя дарагія квіткі на матчы Лігі чэмпіёнаў будуць каштаваць не больш за 30 тысяч рублёў.
