Дзяржаўтаінспекцыя прапануе мінчукам здаваць "аўтахлам"

Старыя непатрэбныя аўтамабілі прапануе мінчукам здаваць Дзяржаўтаінспекцыя. Цяпер, паводле рашэння сталічных уладаў,  ДАІ і камунальныя службы займаюцца вызваленнем вуліц і двароў ад "аўтахламу".  Гэтаму папярэднічае працэдура пошуку гаспадара кінутага транспартнага сродку. Калі знайсці яго няўдаецца, тады суд прызнае, што машына не мае гаспадара і перадае яе ў камунальную ўласнасць Мінску. Для таго, каб самастойна здаць стары аўтамабіль, прыватная асоба мусіць зняць яго з уліку ў ДАІ і напісаць заяву ў ЖЭС пра вываз яе на звалку. 

Як інфармуе "Інтэрфакс", аснову сталічнага "аўтахламу" складаюць 20-30-гадовыя "Жыгулі", "Запарожцы" і "Масквічы", таксама ёсць і іншамаркі, увезеныя ў краіну ў пачатку 90-х.