Euronews назваў прызначаны час выбараў удалым для Лукашэнкі

Euronews назваў прычыны, па якіх прызначаны час выбараў удалы для Лукашэнкі. Па-першае, праблемы з пастаўкамі расійскага газу і нафты пачнуцца не раней за 1 студзеня, а значыць, ужо пасля выбараў.

Па-другое, у апазіцыі застаецца менш часу на падрыхтоўку перадвыбарнай кампаніі. Патэнцыйныя кандыдаты ў прэзідэнты павінны падаць заяўкі аб рэгістрацыі 24 верасня – гэта значыць, ужо праз 10 дзён.

Аднак Euronews адзначае, што на гэтых выбарах у апазіцыі больш шанцаў, чым калі-небудзь. Прычына ў тым, што Лукашэнка больш не зможа заручыцца падтрымкай расійскіх калег.