Фінал адборачнага тура дзіцячага "Еўрабачання" пакажуць у прамым эфіры

Фінал нацыянальнага адборачнага тура дзіцячага конкурсу песні "Еўрабачанне-2007" пройдзе ў прамым эфіры. Фінальны канцэрт запланаваны на 13 верасня, ён адбудзецца на сцэне Летняга амфітэатра ў Віцебску. Пра гэта паведаміла выканаўчы прадзюсер Белтэлерадыёкампаніі Людміла Барадзіна на рэпетыцыі фіналу конкурсу ў Маладзёжным тэатры эстрады 27 жніўня ў Мінску. Па выніках тэлефоннага галасавання тэлегледачоў і галасавання прафесійнага журы будзе вызначана песня-пераможца, якая прадставіць Беларусь на міжнародным дзіцячым конкурсе песні "Еўрабачанне-2007" 8 снежня ў Нідэрландах.

Барадзіна паведаміла, што, магчыма, падчас фіналу конкурсу будзе арганізавана галасаванне абласцей Беларусі па прынцыпе галасавання краін на "Еўрабачанні".

БелаПАН