Генпракуратура абяцае, што спыніць крадзяжы мабільных тэлефонаў

У Беларусі будуць спыненыя крадзяжы мабільных тэлефонаў, абяцае Генеральная пракуратура. З 1 ліпеня аператары мабільнай сувязі не будуць прымаць на абслугоўванне тэлефоны са змененымі ідэнтыфікацыйнымі нумарамі.  Праваахоўнікі занепакоеныя няспынным узрастаннем крадзяжоў "мабільнікаў". Паводле іх звестак, у Беларусі знаходзяцца ў карыстанні сотні тысяч "перапрашытых" мабільных тэлефонаў.

Як паведамляе тэлеканал СТВ, на абслугоўванні ў аднаго з аператараў знаходзіцца 27 тысяч тэлефонаў з адным серыйным нумарам. Генпракуратура разлічвае з дапамогай аператараў сотавай сувязі стварыць такія ўмовы, каб крядзёж "мабільніка" згубіў усялякі сэнс.