Генпракурору Васілевічу прапануюць вызваліць моладзевага актывіста А. Кіма

Брэсцкі праваабаронца Раман Кісляк і рэгіянальныя актывісты дэмакратычных сілаў накіравалі ліст генпракурору Рыгору Васілевічу з патрабаваннем вызваліць моладзевага актывіста Андрэя Кіма.

Кісляк сцвярджае, што з 31 студзеня да 25 лютага Кім не быў дастаўлены да суддзі для разгляду пытання аб яго ўтрыманні пад вартай, а гэта з’яўляецца парушэннем Міжнароднага пакта аб грамадзянскіх і палітычных правах.

Нагадаем, Андрэй Кім быў затрыманы 21 студзеня за ўдзел у акцыі пратэсту прадпрымальнікаў у Мінску. Пасля адбыцця 10-суткавага арышту ён не быў вызвалены. У дачыненні да Кіма распачалі крымінальную справу за ўжыццё гвалту альбо пагрозу яго ўжывання ў адносінах да супрацоўніка міліцыі.

БелаПАН