Глеб выбыў на два тыдні і прапусціць матч “Бірмінгема” з “Ліверпулем”
Паўабаронца зборнай Беларусі Аляксандр Глеб выбыў са спартовай формы як мінімум на два тыдні. 7 верасня футбаліст атрымаў траўму нагі ў матчы з камандай Румыніі, і на 73-й хвіліне яго замянілі на Антона Пуцілу.
“Я не доктар. Але на думку доктара нацыянальнай зборнай Беларусі, Саша Глеб будзе аднаўляцца як мінімум два тыдні, - распавёў Еўрарадыё мэнэджар гульца Мікалай Шпілеўскі. - Сёння я меў размову з трэнерам “Бірмінгем Сіці” Алексам Маклішам. Ён вельмі незадаволены тым, што Глеб прапусціць гульню з “Ліверпулем”. Але гэта спорт... І ў выніку дэбют Глеба ў складзе “Бірмінгем Сіці” адкладаецца - гэта адназначна”.
Па словах Шпілеўскага, Глеб вярнуўся ў Англію адразу пасля гульні з румынамі. Калі медыцынскае абследаванне ў Бірмінгеме пацвердзіць прагноз доктара нацыянальнай зборнай Беларусі, Глеб прапусціць гульні супраць “Ліверпуля”, “Вэст Бромвіч Альбіён” і, магчыма, “Уіган Атлецік”.
“Я не доктар. Але на думку доктара нацыянальнай зборнай Беларусі, Саша Глеб будзе аднаўляцца як мінімум два тыдні, - распавёў Еўрарадыё мэнэджар гульца Мікалай Шпілеўскі. - Сёння я меў размову з трэнерам “Бірмінгем Сіці” Алексам Маклішам. Ён вельмі незадаволены тым, што Глеб прапусціць гульню з “Ліверпулем”. Але гэта спорт... І ў выніку дэбют Глеба ў складзе “Бірмінгем Сіці” адкладаецца - гэта адназначна”.
Па словах Шпілеўскага, Глеб вярнуўся ў Англію адразу пасля гульні з румынамі. Калі медыцынскае абследаванне ў Бірмінгеме пацвердзіць прагноз доктара нацыянальнай зборнай Беларусі, Глеб прапусціць гульні супраць “Ліверпуля”, “Вэст Бромвіч Альбіён” і, магчыма, “Уіган Атлецік”.
