Грамадзяніну Расіі следчыя абяцалі "несалодкае жыццё" ў калоніі

"Ствараецца ўражанне, што беларускі бок намагаецца сысці ад відавочных фактаў, якія сведчаць аб невінаватасці нашых суайчыннікаў", — заявіў дарадца амбасадара РФ Вадзім Гусеў. Да такой высновы дыпламат прыйшоў пасля азнаямлення з тэкстам афіцыйнай адмовы на хадайніцтва адвакатаў затрыманых наконт спынення крымінальнай справы ў сувязі з адсутнасцю важкіх доказаў іх віны.

"У матэрыялах абвінавачвання адсутнічаюць прамыя фота- і відэадоказы прамога ўдзелу Брэуса і Гапонава ў акцыі 19 снежня, у чым яны абвінавачваюцца", — адзначыў Гусеў.

Акрамя таго, як паведаміў Брэус супрацоўнікам амбасады, яго вымушалі даваць ілжывыя сведчанні адносна кантактаў з арыштаванымі лідарамі апазіцыі. "У адваротным выпадку нашаму грамадзяніну абяцалі "несалодкае жыццё" у калоніі", — перадае словы Гусева БелаПАН.

Фота: visualrian.ru