Грузія афіцыйна паведаміла Выканкаму СНД пра выхад з Садружнасці

18 жніўня Міністэрства замежных спраў Грузіі паведаміла нотай Выканкаму СНД аб пастановах парламента ад 14 жніўня, згодна з якімі краіна выходзіць з Садружнасці, паведамляе сайт “Грузия online”.
Нагадаем, 12 жніўня Міхаіл Саакашвілі, выступаючы на шматтысячным мітынгу ў цэнтры Тбілісі, паабяцаў вывесці Грузію са складу СНД. Акрамя таго ён прапанаваў зрабіць тое ж самае іншым краінам.

14 жніўня парламент Грузіі аднагалосна падтрымаў рашэнне аб выхадзе краіны з Садружнасці.